Зүүн Хойд Азийн Ухаалаг хотуудын Сүлжээ Байгууллагын онлайн хурал 2020.12.09 ний өдөр цахим хэлбэрээр зохион байгуулагдлаа.
Ази, Номхон далайн бүсийн ухаалаг, Эрүүл хотын загварыг нэвтрүүлэх чиглэлээр ажилладаг WeGo Олон улсын байгууллага болон Эрүүл хотыг чадавхижуулах төвөөс зохион байгуулсан цахим хурал, зөвлөгөөнд Улаанбаатар, Алтай, Сайншанд, Чойбалсан, Эрдэнэт хотууд оролцлоо.
Тус хуралд ухаалаг хотын чиглэлээр мэргэжлийн шинжээчид, бүсийн сүлжээ болон төслийн санхүүжүүлэгч түншүүд цаашид ухаалаг хотуудыг хэрхэн хөгжүүлэх төлөвлөгөө, урт хугацааны хамтын ажиллагаа хөгжүүлэх, хэтийн зорилго зэргийн талаар ярилцлаа. Хуралд Монгол, Солонгос, Хятад, ОХУ зэрэг улсын төлөөллүүд оролцсон бөгөөд Ухаалаг хотуудын сүлжээ ТББ-ийн захирал Ш.Цэрэндулам Монголын эрүүл, ухаалаг хотуудын талаар танилцуулга илтгэл тавьж оролцлоо.
