Хотын хог хаягдлын салбарын бодлого, удирдлагын менежментэд үнэлгээ хийж, хотын шинэ туршлагыг хэрхэн нутагшуулах талаар Монголын Үндэсний цахим сургалт 2021 оны 9 сарын 29-30 өдрүүдэд болж өнгөрлөө.
|
Эрүүл хот хөтөлбөрийг чадавхижуулах төв/Монголын Эрүүл Хотуудын сүлжээ/, Ситинет олон улсын байгууллага хамтран Хотын хог хаягдлын салбарын бодлого, удирдлагын менежментэд үнэлгээ хийж, хотын шинэ туршлагыг хэрхэн нутагшуулах талаар үнэлгээ дүгнэлт өгөх арга зүйд суралцах олон улсын сертификаттай цахим сургалтыг 2021 оны 9 сарын 29-30 ны өдрүүдэд цахимаар зохион байгууллаа.
Тус сургалтад Улаанбаатар хот, Чингэлтэй дүүрэг, Дархан, Эрдэнэт, Чойбалсан, Сайншанд, Даланзадгад, Баянхонгор, Мөрөн, Арвайхээр зэрэг хотуудын захирагчид болон хотын удирдлагууд, хот тохижилтийн газрын холбогдох байгууллагуудын удирдлага, мэргэжилтэнүүд, асуудал эрхэлсэн байгууллагын менежерүүд оролцлоо. Сургалтыг Монголын Эрүүл Хотын Сүлжээний захирал, доктор Ш. Цэрэндулам болон Ситинет олон улсын байгууллагын нарын бичгийн газрын төслийн мэргэжилтэн Кевин Дроун нар зохицуулагчаар ажиллаж хог хаягдлын туршлагыг үнэлэх арга хэрэгслийг хэрхэн ашиглах талаар танилцуулан, арга зүйг дадлага хийн чиглүүлэв. Мөн түүнчлэн сургалтын үйл ажиллагаанд Азийн хоёр хотын шилдэг туршлага буюу Өмнөд Солонгосын Сөүл хот, БНХАУ-ын Шиамен хот болон Монгол улсын хотуудаас Улаанбаатар, Дархан хотын хог хаягдлын менежментийн шилдэг туршлагуудыг танилцуулав. Тухайлбал, Өмнөд Солонгосын Сөүл Институтын орлогч захирал ноён Кее-Юн Ёо Сөүл хотын Хог хаягдлын менежментийг туршлагыг, Хятад улсын шинжлэх ухааны академи болон Хотын хүрээлэн буй орчны хүрээлэнгийн эрдэмтэн судлаач, профессор Зилонг Юү, Хятадын Шиамен хотын хог хаягдлын менежментийн туршлагыг хуваалцлаа. Монголын талаас Эрүүл мэнд нийгмийн бодлогын хүрээлэн ТББ-ын тэргүүн А.Нямдорж Улаанбаатар хотын туршлагыг, Дархан хотын хог хаягдлын менежментийн туршлагыг тус хотын Захирагчийн албаны мэргэжилтэн танилцуулав. Сургалтаар олон улсын түвшинд ашиглагдаж буй хотын шилдэг туршлагыг нутагшуулах хэрэгслийн талаар болон аргачилсан зааварыг хэрхэн ашиглахыг Монголын 2 хот болон Азийн хоёр хотын танилцуулсан туршлага дээр үндэслэн хийснээрээ онцлог байлаа. |
Сургалтын материалуудыг доорх холбоос дээр дарж татаж авна уу.
Өмнөд Солонгос улсын Сөүл хотын хог хаягдлын менежментийн сайн туршлага
| waste-management-in-korea_20210709.pdf |
БНХАУ-ын Шиамен хотын хог хаягдлын менежментийн шилдэг туршлага
| waste-management-practices-in-xiamen-city-zhi-long-ye-20210929.pdf |
Дархан хотын хог хаягдлын менежментийн туршлагаас
| darkhan-2021.09.29.pptx |
Сайн туршлагыг нутагшуулах хэрэгслийн танилцуулга Англи болон Монгол хэл дээр
| short_toolkit_on_localization_of_urban_practices.pdf |
| Хотын_шилдэг_туршлагыг_нутагшуулах_хэрэгсэл_Монгол_файл.pdf |
Үнэлгээний гарын авлага
| Шилдэг_туршлагыг_нутагшуулах_хэрэгсэл_Монгол_орчуулга_.xlsm |
